Tevgera Komûnîst a Şoreşger Berxwedan Azad Dike Em ê wek Tevgera Komûnîst a Şoreşger (TKŞ) ji bo ku têkoşîna li dijî sistemê kapîtalîst û dagirkeriyê gelên Kurd, Ereb, Ermen, Suryan, Tirkmen, Asûrî, Êzîdî û tevahî karker û kedkarên herêmê nîqaş bike û ji bo destgirtina pirsgêrêkên di milê yekîtiya karkeran de bi dirûşmeya “Li Dijî Mêtîngeriya Kapîtalîst û Dagirkeriyê Bijî 1 Gulan! Bijî Şoreşa Rojava ” sempozyûmekê li dar bixin.
Hêzên emperyalî çaresariya qeyrana xwe ya hebûnî di hîna zêdetir şer û dagirkeriyê de dibînin. Li dijî ev qeyrana kûrewîbûna emperyaliyetê di sedsala 21’emîn de yek ji bersivên bindestan jî şoreşa Rojava ye. Avakirina hebûna xwe ya netewî û bidestxistina azadiya polîtîk ji bo gelê me destkeftineke stratejîk e. Ji ber vê yekê şoreşa me ya Rojava ji bo gelên cîhanê bangewazî û pratîka “şoreş û serkeftinê” ye. Parastina şoreşa Rojava û ji bona vê hîna zêdetir şerkirin, li dijî kapîtalîzmê erka zêdekirina mewziyên karker û kedkaran e.
Divê ev meşa serketinê bi têkoşîna li dijî nîzama kapîtalîst re bê girêdan. Pêşî em welatparêzên sosyalîst ji bo parastina şoreşa Rojava; Ji bo parastina welatê xwe li dijî dagirkerî û dagirkeriyê em ê bi hemû welatparêzan re di nava têkoşîneke yekbûyî de bin. Ya duyemîn jî em ê têbikoşin ku têkoşîna yekbûyî ya çîna karker û kedkarên ji hemû netewe û baweriyan ku şoreşên sosyalîst ên herêmê û cîhanê ava bikin, bi rêxistin bikin. Ewlehiya şoreşa me ya Rojava şoreşên sosyalîst ên herêmê û cîhanê ne. Sosyalîzm encax di bin pêşengiya tevgereke çînî de dikare pêş bikeve. Yekê Gulanê di nav pêlên pêlên hişmendiya çînî de xwedî wateyek taybetî û resen e. Yek ji demên herî taybet ên pevçûna kapîtalîzm û sosyalîzmê ye, ku tê de hişmendiya çînayetî ji aliyê dîrokî û niha ve pêk tê.
Li Sûrî di pêşengtiya Komûnîstan de yekemîn 1’ê Gulana legal (zagonî) di 1’ê Gulana 1925’an de hatiye pîrozkirin. Di salên pêş de 1’ê Gulanê hate qedexekirin, piştre bi siyaseteke taybet a BAAS 1’ê Gulanê ketiye bin kontrola BAAS û di milê pêşxistina hêza xwe ya serbixwe qels maye. 1’ê Gulanê derveyî rojeke têkoşîna karker û kedkaran weke rojeke seyranê hatiye girtin dest û naveroka wê ya polîtîk hatiye valakirin. Ev di heman demê de qelsiya tevgera çîna karkeran a li erdnigariya me ye.
Di ev şertên kûrewîbûna emperyaliyetê de derfetên heyberî yên şoreşa herêm û cîhanê mezin bûn e. Li vir erka ku dikeve ser milê komûnîstan rêxistinkirina yekîtiya tevahî karkerên cîhanê û netewên bindest e. 1’ê Gulanê weke roja yekîtî, têkoşîn û piştgiriya navneteweyî ya çîna karkeran ala vê bangewaziyê ye.
Welatparêzên Sosyalîst wê sempozyûma 1’ê Gulanê û pêvajoya 1’ê Gulanê bi vê bergehê rêxistin bikin. Li vê erdnigariyê li dijî êrîşên taybet ên ku tunekirina tevgera şoreşger û komûnîst hedef digire wê Tevgera Komûnîst bi armanca hîna zêdetir rêxistinkirina karker û kedkaran sefer bibe. Em ê ji bona ku di 1’ê Gulanê de karkeran, kedkaran, jinan, ciwanan weke artêşeke siyasî bi cih bikin wê tevahî keda xwe hîna zêdetir bixin holê.
Em di fermandeya rêberên damezrêner ên xeta welatperêziya sosyalîst Baran Serhad û Ehmed Şoreş de bi rihê seferberî ber bi 1’ê Gulanê ve dimeşin. Em ê bi ser bikevin!
Bijî 1’ê Gulanê! Bijî Sosyalîzm!
Bijî Şoreşa Me ya Rojava!
